美女厨房资源(《美女厨房》起底：34C洛儿身材火辣辣)

​

无线节目《美女厨房》美女学徒除左有余香凝个妹余洁滢抢眼外，仲有喺DJ界打出名堂嘅洛儿！今年25岁嘅洛儿三围34C、25、34，社交网超过12万粉丝，当中仲有唔少性感火辣相添！洛儿接受访问，讲到佢必杀技系羊，佢笑言平时煮下普通住家菜，但最拿手系整卡邦尼意粉！

洛儿透露话同伍乐怡及王卓泣一组，问到会唔会有太大压力？她说：“有少少压力，都会尽力去比赛。（录影感觉点？）好好玩，细细嗰已经有睇美女厨房。”今次洛儿参加比赛，系想畀大家认识佢多啲，不过洛儿社交网咁多性感相，问到佢惊唔惊会影响形象？佢话：“咁我影嘅相都比较健康，唔系儿童不宜。（惊唔惊网友只留意你身材？）咁大家留意完我身材，咪会留意我演出啰。”

现时跳去做幕前嘅洛儿，话依家减少接DJ工作。问到男友支唔支持佢？佢话：“我的都拍左几年拖，佢好支持我。（佢做白老鼠帮你试味？）成日帮我试，但佢话好难食。（咁比赛点算？）我预左做地狱厨神！”

相隔十二年《美女厨房》正式回归，主持张振朗首集已经食到疴，萧正楠大爆评判洪永城对虾蟹敏感，结果食到气管收窄、呼吸困难！曾狂踩女友黄翠如厨艺的萧正楠，拍完节目才知道女友厨艺不差，想请她上节目，作厨艺大平反。

无綫经典节目《美女厨房》主持萧正楠、张振朗昨日率领18位美女学徒出席宣传活动，一众美女学徒中有艺人亦有索爆素人，齐齐穿上超短裙晒腿示人，相当吸睛。

萧正楠与张振朗透露日前开拍了首集，不过张振朗拍完第二日即肚疴，他笑说：“原来真系会疴㗎！嗰日有两三道菜，有虾有蟹，第二日就疴左两次，都未疴到脱水嘅！”萧正楠笑言自己一日疴两次，故没有特别感觉。问到二人会否为节目增磅，以防疴到变瘦？他俩齐齐笑指：“好似都要喇！”目前暂未知道要录多少集节目，问到最怕面对甚么食材？张振朗说：“最惊系唔熟！”

召唤翠如晒厨艺

虽然未能透露嘉宾名单，萧正楠就爆料指首集评判是洪永城，但对方对虾蟹敏感，当日的菜式只有虾蟹，吃到洪永城气管收窄、呼吸困难！萧正楠说：“我觉得未必系啲虾蟹令佢呼吸困难，可能佢系望住啲美女学徒系咁扯虾，佢唔系扯其……他野喎！”至于可会请女友黄翠如上节目做嘉宾？他说：“未请，希望佢都嚟，我成日咁踩佢，其实佢真系唔差，要帮佢平反，我谂公司会安排！”萧正楠又笑指如果翠如做嘉宾，他给满分都不会有人介意。不过，黄翠如接受电话访问时说：“叫佢唔使咁好口喇，冇用㗎！等我练好啲厨艺先上去做嘉宾啦！”

伍乐怡煮野OK

美女学徒之一的伍乐怡，指自己厨艺OK，她喜欢煮中菜：“以前喺加拿大都有煮野食，母亲节都有煮畀妈妈食，我锺意食三餸一汤。”不过她淮备在节目中煮西餐，笑言要煮中式西餐！据知，新一辑的《美女厨房》会保留传统，展示艺人鸡手鸭脚的一面，不过赛制会有所改变，评判将不会知道所吃食物由哪一位嘉宾所煮，而首集的评判将会是农夫及洪永城、第二集的评判则是黄浩然及曹永廉。